Dagur þeirra svörtu?

Tillaga um að heimila að vígja í staðfesta samvist dregin tilbaka! Þeir svörtu vinna enn einu sinni og tefja eðlilegan framgang málefni lespía og homma.  Afhverju eru þið að þessu segja sumir við okkur.  En á meðan þetta er kallað Þjóðkirkja er barátta eðlileg.  Kemur væntanlega bráðum að lagasetningu um skilnað ríkis og kirkju og þá geta þeir sem óttast sannleikan og réttlætið haldið sinni stefnu áfram.  Ég hef mína trú en til þess að iðka hana þarf ég ekki Þjóðkirkjuna en mikið væri gaman að hafa hana með í iðkun minni.  .

Tillaga um að prestar verði vígslumenn staðfestrar samvistar dregin til baka

Reykvíkingar góðir við sína?

Eitthvað er auðsjáanlega að í launamálum hjá Borginni.  Borgarfulltrúar til vara fá 150.000 .- í byrjunarlaun fyrir að sitja heima og bíða.  Starfsfólk frá Sfr. í fullri vinnu eru á þegar best lætur með í byrjunarlaun 106.069 .- en eftir 35 ára starf í lægsta launaflokki með 119.381 .-  Í efsta flokki eru byrjunarlaun 186.765 .-  Og ekki er Borgin að greiða eitthvað betur en þetta.

Eitthvað er að það er ljóst en hvar byrjar vitleysan?  Nokkuð ljóst að fólk á varamannabekk borgarinnar eru að fá aðeins of mikið og Sfr. fólk alltof lítið.  Launastefna dagsins er gengin sér til húðar og löngu þörf á uppstokkun og hugarfarsbreytingu.  Hvað ætli starfsmannavelta hjá Borginni eða hjá LSH. kosti mikið á ári vegna þessara þrælkunarlaunataxta?  

En þessi sjálfskammtandi launastefna kosinna fulltrúa verður að linna.  Hvort sem um Borg eða Alþingi er að ræða.  Mér er það óskiljanlegt hvað þeir sem samþykkja þetta eru að hugsa.  Fara svo í samningaviðræður við hinn óbreytta liðsmann sinn og sér ekki sinn þátt í kraumandi óánægju! !  

Ég á bara ekki til orð yfir þessari vitleysu allri og fel þ.a.l. undrun og hneykslun mína í hendur æðstu máttarvalda alheimsins.

Félagsmálaráðherra - ríkisstjórn hvar eru djörfu hugmyndirnar um nýtt húsnæðislána fyrirkomulag?

Þá eru komnir nýjir stjórnendur hjá ríki  og borg.  Held að þetta breyti afar litlu fyrir meðalíslendinginn og meðalreykvíkinginn!   Við erum alltaf að spóla í forinni án árungurs nema þau sem híma hamingjusöm ofarlega í skýjunum í landi hinna nýríku.

Stjórnmálafólk virðist eins og hinn spólandi almenningur ófær um að losna úr farvegi yfirborðsmennsku og leti.  Hugleysi raunar finnst mér að aldrei skuli í raun vera neitt gert í að jafna lífsafkomu okkar.  Endalausar nefndir og endalausar umræður sem skila engu.  ALdrei kafað niður á botn og byrja að endurskoða frá grunni.......................

Lágmarkslaun eru enn sorglega lág, matur of dýr og húsnæðiskostnaður úr öllu samhengi við raunveruleikann.  Varðandi húsnæðismál þá sveiflast lánshlutfall eftir ráðherra hverju sinni.  Búið að vera sl. 15 ár ýmist 70% til 90% niður í 80%  og var tímabundið 100% í niðurlagða félagslega kerfinu.  Vaxtabótakerfið eins og illa saumað flosnandi bútasaumsteppi.   Staðreyndin er að allar þessar aðgerðir eru til einskis.  Leysa oft til skammstíma vandann en safna honum eiginlega saman á bakvið tjöldin.  Og það sýnist vera rétt - uppsafnaður vandi  fjölgar nauðungarsölum verulega þessa dagana.  Það er ekki vera að leysa neitt aðeins fegra yfirborðið hverju sinni.

Lán vegna kaupa eiga að vera 90 til 95% óverðtryggð og til að minnsta kosti 60 ára af einni íbúð af eðlilegri stærð fyrir viðkomandi fjöldkyldu. 

Hvað endist húsnæði lengi í dag?  Hvað erum við að afskrifa það á löngum tíma?   Ekki er það á 15, 25 eða 40 árum það er víst.

Húsnæðisbætur þannig að aldrei sé greitt meir en 25% af tekjum vegna ofannefnds húsnæðis.

Og hvar er félagslega lánakerfið?  Þegar Byggingarsjóður verkamanna lánaði 90% + 10% reyndust þau afar vel.  Það fólk stóð oftast betur í skilum en aðrir lántakendur.  Enda fyrirgreiðslan miðuð við þau og lánstími lengri og vextir lægri. 

Leiguíbúðir eru enn fjarlægur draumur hér á landi! Í raun hlægilegt það sem verið er að gera í þeim málum.  Þar er enn lánstími svo mikið alltof stuttur má vera lengri en vegna kaupa og vextir + verðtrygging gerir það hríkalega óraunhæft að fara út í byggingu leiguíbúða. 

Hér verða einnig að koma inn húsnæðisbætur þannig að aldrei sé greitt nema 25% af tekjum vegna íbúðar. 

Góð síða er skovdebostader.se fyrirmyndarsíða eins og húsnæðismál geta verið !!!!!!!!

 

Það má svo alveg fara að horfast í augu við raunveruleikann!!  Sem er andlát eignarstefnunar.  Nema við dröttumst upp úr farvegi liðinna tíma og breytum frá grunni,  hreinlega breytum öllu sem snýr að húsnæðismálum dagsins í dag! 

Hvað ætli nauðungarsölur og annar kostnaður vegna íbúðarmissis sé mikill? Hvað kostnaður vegna  sífellds flutnings fólks milli íbúða vegna breyttrar forsenda lána eða tekna þess sé mikill?  Hvað ætli gjaldþrot einstaklinga vegna íbúðar kosti samfélagið mikið?

Húsnæðislánakerfin hafa fram á þennan dag verið skammtíma lausnir og samkomulagsmall!  Lánakerfin hafa verið einstaklingum og þjóðinni alltof dýr og mikilla breytinga er þörf.

Ný ríkistjórn og sveitarstjórnendur eiga möguleika á að gera eitthvað sem skiptir máli !!!!!!!  En svo efast ég enn um að það sem verður gert muni duga vera raunveruleg endurbót? Held satt að segja að það verði enn einu sinni farin einhver millileið á kostnað okkar sem búa í þessu landi.  Því miður virðast ekki vera uppi hugmyndir um afgerandi breytingar hjá félagsmálaráðherra og ríkisstjórn í þessum málum.  Andlát eignarstefnunar á alveg rétt á sér en hvað á að taka við??

Menningarsamfélag getur ekki hagað sér svona!

Sannleikurinn er kamelljón!

Lifðu í fullkomnum friði. Reyndu ekki of mikið á þig til að skilja það sem þér er ekki ætlað að skilja.  Staðreynd er að alltof mikill skilningur, spenna og áreynsla er komið í lífið.

Er ekki vanur að ræða persónur og flokka en ætla bregða mér út af og spá í spilin!

Sá Steingrím Joð í gærkvöldi í Kastljósi assk... stóð hann sig vel.  Sá besti til þessa svaraði þannig að ég skildi hann og allt virtist hugsað frá upphafi til enda.  Trúverðugur og án efa besti formaðurinn sem er í boði dag. Er fastur fyrir en til í mátulega samninga.   Ingibjörg Sólrún var góð um daginn hefur verið vaxandi sl. vikur.  Einhvern veginn virðist hún ná tengingu inn á við og talar meira af trúverðugleika og ró.  Velferðarflokkarnir tveir verða að ná góðum kosningnum!

Hvað er framsókn að hugsa?  Auglýsingarnar eru fráleitar og alveg út úr kortinu.   Skil bara ekki spunameistara þeirra þetta er bara lélegt og leiðinlegt.  Þeim væri nær að nota Valgerði og Siv meira en líklega með sitt hvorum hættinum.  Þær eru ansi ólikar.

Og hvað með þessa heræfingu í boði íslendinga! Er ekki í lagi á stjórnarheimilinu?  Er þeirrar skoðunar að Ísland eigi að vera utan herbandalaga og ekkert meir um það að segja. Gætum verið margfalt öflugri í samskiptum þjóða sem heilsteypt friðarþjóð.  Heræfingar og svona brölt gerir okkur ótrúverðug svo ekki sé meira sagt.  Eitt er gæslubandalag við norrænarþjóðir á friðartímum allt annað er heræfingarbandalag sem birtist núna í grárri dýrð.

Um Sjálfstæðisflokkinn hef ég ekkert að segja.  Leiðist hann eiginlega í þessari skoðunarlausu  flokksráðandi nánast ólýðræðislegu pýramídavaldamanna fyrirkomulagi.

En eins og sagt er,  láttu ekkert trufla þig eða valda þér þjáningu.  Vertu aðeins viss um að allt verður mjög gott, mjög gott ef rétt er staðið að málunum. Opnaðu hjarta þitt í einlægum kærleika og þakklæti og lifum þennan dag í friði og sátt. 

Munum að sannleikurinn er kamelljón!

Líf sem kolkrabbi!

Fróðleg lýsing á hæfni kolkrabba! Lifir á dósamat og hefur það gott?  Ekkert sagt um hvaða tegundir hann velur en eflaust smekkkrabbi hér á ferð!  Ég er nú aðallega að hugleiða hvort leið mannsins sé þessi?  Að eftir kanski þúsund ár enda með marga fálma og sjá hringinn og borða gamlan dósamat frá þessari " manneskju" sem lifði á 21. öldinni.  Manneskjunni sem tókst að klúðra heiminum með eigingjörnum sjálfmiðuðum aðgerðum og lifnaðarháttum.  Hver veit spennandi hrollvekja sem gæti orðið sönn hvað veit ég um það?  Annars er ég bara að leggja áherslu á umhverfismálin! !

Klámfenginn forseti Írans?

Forseti Írans fór í splitt með konu skv. þar lendum lýsingum.  Konan er "kennari" þannig að forsetanum hefur ugglaust þótt þetta siðlegt.  Hér fyrir ekki löngu voru ungir menn fangelsaðir í þessu sama landi fyrir að hugsa það eitt að vera hommar.  Hvað skal við forsetan gera sem brýtur svo nefnd sharia - lög.  Hver verður refsingin?  Ólög þvælast jafnvel fyrir bestu menn eins og forseta í kossaþörf.  Þetta er dauðans alvara því miður eins og öll ýkjutrú hversleg sem hún er.  Allt verður andskotanum að vopni líka trúin! !

Íransforseti sakaður um ósiðsemi á almannafæri

Bylting - "lífið er á leið frá okkur".

Draumur minn er kærleiksríkt, réttlátt samfélag þar sem allir eru jafnir og virðing ríkir manna á millum.   Held að allir stjórnmálaflokkarnir séu í raun með sama markmiðið.  Leiðirnar aðeins mismunandi en samt ekki ósamræmanlegar heldur þörf á góðri jarðtengingu og nýja sameiginlega leið inn í framtíðarlandið. 

Viljum öll virða aldraða, öryrkja og láglaunatengd störf en okkur tekst það svo illa.  Engin heildaryfirsýn frá grunni vandans birtist bara stutt loforð um betri tíð og þar af leiðandi er oft lítil skynsemi í lausnunum.  Eða hvernig á að fá fólk í alla þjónustu?  Hvernig á að launa þetta fólk?  Vantar raunsæi, hugsjónir, kærleika og hugrekki til að stokka upp og gefa aftur.  Vantar eiginlega nýja málefnaskrá fyrir alla íslendinga þar sem mannvirðing og kærleikur er í fyrsta sæti.  Er vonlaust að sameinast um slíka viljayfirlýsingu og standa svo við hana?  

Ég vil ekki heyra allskonar háreist tal um hvað hinir eru ómögulegir og minn flokkur góður.  Ég vil heyra um alvöru lausnir á grundvallar sameiginlegum vandræðum.  Ég vil heyra hvernig á að leysa málin þannig að allir geta verið sáttir.  Við göngum óbundnir til kosninga! Hvað er það?  Afhverju ekki takast á við málin?  Koma með sameiginlegar yfirlýsingar eða er ekki bersýnilega þörf á því núna?  Tvíeykið er með öruggt forskot í dag!  Stjórnarandstaðan ætti að slíðra sverðin betur og sameinast um málefnaskrá.  

Ég vil heyra hvernig skipta á sameiginlegum sjóðum okkar svo réttlætinu verði fullnægt. Fjármagn er til en öllu svo sorglega vísvitandi í hugsunarleysi ranglega skipt.  Það verður ekki komist hjá að taka alla málaflokka upp frá grunni ef skapa á réttlæti og jöfnuð.  Smálækningar duga því miður ekki!  Ég veit að það er langtímamarkmið en sýnið þolinmæði og takið eitt skref í einu.  En takið sjáanleg skref þannig að við getum trúað ykkur.  Stígið hratt en af öryggi til jarðar.

Ég vil ekki heyra um hvað bankarnir eða s.k. útrásarfyrirtæki græða.  Næsta ríkistjórn ætti að taka dug, framsýni og hugrekki þeirra til fyrirmyndar og byrja að vinna sína vinnu.  Nota aflið sem þar er í gangi.  Við þurfum á ungu dugmiklu, kjarkmiklu fólki að halda og ekki síst óskemmdu af þeim rotnaði sem er í stjórnmálum í dag og var í gær til að vinna fyrir okkur hin.   Framsýni, djúp samkennd og kjarkur leiðir okkur til velgengni og hamingju.  Við eldri getum jarðtengt unga framsýna fólkið og saman er leiðin greið.

Ég vil ekki heyra meira að eina lausnin sé mengandi stóriðja.  Ég vil heyra frá öllum sem þegja núna en vita sínu viti um sniðugar lausnir og hugmyndaríkar framkvæmdir.  Komið fram haldið hugmyndaþing og förum svo í stóriðju hugans og gerum eitthvað.  Hvar er víkingaeðlið útrásareðlið þegar við þurfum að leysa mál innanlands?  Olíuhreinsunarstöð! Hvað er að?

Ég vil heyra um drauma sem tengjast raunverulegum leiðum að markmiðunum.  Drauma um réttlátara skattakerfi.  Kerfi það sem allir taka þátt og borga sitt.  Þar sem grunntekjur erum ekki undir lágmarksframfærslu.  Þar sem ekki er tvísköttun á lífeyrisendurgreiðslum. Skattakerfi sem verðleggur nauðsynjar lágt og aðrar nútíma lúxustengdar vörur hærra.

Ég vil sjá bíla verðlagða eftir mengunarstuðli.  Raunverulegan gróða fyrir þá sem vilja stuðla að hreinna land og hreinni jörð.  Verðleggið vörur með tillit til mengunarstuðul.  En þorir einhver að gera það.  Og er ekki skrítið að sjá alla stóru fínu ráðherrabílana.  Burt með þá fáið ykkur Príus eða metanbíla. Sjáanlegar breytingar vekja traust.

Ég held það sé erfitt fyrir ungt fólk að eiga sér drauma.  Hraðinn, græðgin og óhemjuskapurinn hjá okkur er slíkur að afhverju á unga fólkið að vera skynsamlegra.  Yfirborðsmennskan er slík að mér sundlar meir og meir.   Það er hlægilegt að sjá stóra jeppa eða eyðslufreka bíla í miðbæjarlífi Reykjavíkur og oft á nagladekkjum! En segir okkur mikið um sjálfsmynd þessa fólk!  Óttinn við að vera öðruvísi er alltumlykjandi.   Auglýsingar hafa ótrúleg áhrif og þröskuldur siðferðis er alltaf að lækka.  Allt er leyfilegt á meðan það er ekki bannað.

Ég vil sjá hugrakka stjórnmálamenn sem taka ákvarðanir sem geta reynst erfiðar tímabundið.  Ákvarðanir teknar á réttum og útskýranlegum forsendum.  Heyra talað frá hjartanu af skynsemi hjartans.  Húsnæðismálin eru í rugli! Gerið eitthvað endurskoðið þetta vægast sagt ruglaða kerfi.  Það er ekki nóg að lána fólki ef þið hafið haldið það. Engin á íbúð í dag! Bankarnir eiga þetta og fólkið borgar, borgar og borgar og eignast ekkert fyrstu áratugina.  Afhverju er ekki fyrir löngu búið að byggja upp alvöru leiguíbúðakerfi?  Afhverju var það félagslega kerfi sem var fyrir árið 1998 lagt í rúst og hvað kom í staðinn? Ekkert sem getur kallast gott fyrir notanda húsnæðis!  Auk þess legg ég til að komið verði á nýju heildarendurgreiðslu kerfi til notenda íbúða.  Leggið niður núverandi vitleysu vaxta- og húsaleigubætur sem er ekki í takt við neitt.

Skoðið síðuna www.skovdebostader.se þetta er sænsk síða um hvernig húsnæðismál eiga að vera. Fékk hana lánaða frá Steina Briem.

Ég hef áður sagt það endurskoðið vísitöluruglið og allar þessar ótrúlegu tengingar við þær.  Ég vil sjá allar tekjutengingar sem eru eins og fangelsi og net í kringum venjulegt fólk fellt niður að öllu leyti!  Hlýtur að vera hægt að hafa aðra leið til að synja hátekjufólkinu um greiðslur úr okkar sameiginlegu sjóðum.

Ég vil sjá nýtt sterkt afl komast til valda eftir kosningar.  Nýja ríkisstjórn með raunverulega, lífandi hugrakka, hamingjufulla og málefnalega viljayfirlýsingu.  Með raunhæfum dagsetningum og raunhæfum aðferðum.  Loforðaflóð fyrir kosningar er í flestum tilvikum lítið trúverðugt gerið ekki lítið úr okkur kjósendum.

Ég vil sjá bata frá þessu nýríka græðgissamfélagi sem við erum að koma á hér.  Hægjum á og hvílum okkur og drögum andan djúpt! Og byrjum að gefa upp á nýtt.  Stígum fram í trausti og gerum það sem í dag virðist ómögulegt.   Látum reyna á takmarkanir okkar og óttumst ekki hið nýja.  Það mun færa okkur betri daga í landi morgundagsins.  

Plástra- eða heilunarsamfélag?

Og áfram heldur árátta okkar að plástra yfir sár sem í er gröftur.   Auðvitað er gott að stytta biðraðir fyrir þá sem raunverulega þörf hafa fyrir þjónustu heilbrigðiskerfis okkar.  En staðreyndin er nú samt sú að við leggjum stærsta hluta fjármagnsins í að byggja og lækna þegar veikt fólk.  En sýnum engan áhuga á forvarnarstarf á þessum sömu sviðum.  Fjámagn sem fer í forvarnarstarf er vart til að tala um!  Hvort sem um er að ræða vegna áfengistengd mál,  kynsjúkdóma, hollt mataræði, eða mannréttindi almennt.  Við höfum engan tíma í fyrirhyggju eða þolinmæði fyrir langtíma forvarnarstarfsemi sem jafnvel tekur eina eða tvær kynslóðir að koma alveg til skila.  

Allt á að gerast og sjást núna á þessari stund!   Hvað ætli skammtímaæðið sé búið að kosta okkur mikið?   Getur verið að heilbrigðisþjónustan sé í þessari hringekju vegna fyrirhyggjuleysis?  Að sparnaðurinn í forvarnir kosti stórfé þegar skaðinn er orðinn að raunveruleika.    Að dýr matur kosti allskonar sjúkdóma sem koma má í veg fyrir?  Að það að smokkar séu ekki ókeypis kosti stórfé vegna lyfja seinna meir t.d. hjá ungu fólki? 

Getur verið að við séum fyrr andlega og líkamlega lyfjatengd vegna geð- og líkamlegra sjúkdóma.  Og að þetta tengist algjöru rugli í húsnæðistengdum málum okkur, tómri steypu í endurgreiðslukerfi hins opinbera. Sem greiðir svo afleiðingarkostnað í heilbrigðiskerfinu.  Að vinna göfgi manninn er ef til vill rétt en ekki nema að ákveðnu marki.   Svo fáum við snert af græðgi með þessu öllu og fyllum geð-lyf- og hjartadeildirnar. 

Flest mál hjá okkur eru vandamál vegna skorts á grundvallarendurskoðunarleysi.....  Við "nennum ekki" og setjum plástur á gröftin sem fyrir er.  Margt er gott en þegar vitlaust er gefið verður vitlaust spilað úr góðu spilunum okkar.  Óréttlætið heldur áfram og ójöfnuðurinn eykst vegna þess að við erum of oft að byggja glæsilega útlítandi kerfi á sandi ! ! !

Umræða á 6. feta dýpt?

Ágúst Ólafur fer gömlu leiðina og grefur sér gröf.  Mér þykir alltaf slæmt þegar við ræðum um dauð atkvæði.  Dauð ef einhver annar en ef minn flokkur fær þau.  Engin atkvæði eru dauð í augum þess er atkvæðið greiddi og okkur ber að virða frelsi hvers og eins til þess að hafa skoðun.  Auðvitað virði ég skoðun varaformannsins en hefði viljað sjá málefnalega og sjálfskoðandi áherslur frekar en dauðatal um atkvæði greitt öðrum.    Vonandi komumst við sameiginlega upp á yfirborðið enda vil ég sjá nýja ríkisstjórn eftir kosningar eins og Ágúst Ólafur.  Með baráttukveðju ...............

Á 6. feta dýpt í leit að umræðunni?

Alltaf slæmt þegar umræðan fer þessa gömlu leið.  Skiptir engu hvort hún er "rétt" eða eitthvað annað.  "Hætta á að atkvæði detti niður dauð" er gamli hræðsliáróðurinn sem skilar engu inn í umræðuna um málefnin.  Atkvæði greidd flokki eru aldrei dauð heldur snarlifandi vottur þess er atkvæðið greiddi.  Lítilsvirðing í fallegum umbuðum varaformannsins skilar engu.   Vænlegra er að ræða þetta útfrá eigin flokki, prósentugengi hans og afhverju eigi nú frekar að kjósa hann en ekki framleiða þessi "dauðu" atkvæði.  Einhver kynni að hafa þá skoðun að atkvæði greidd varaformannsflokkinum væru dauð!  Er svo sem ekki mín skoðun..... vill endilega skipta um ríkisstjórn en gera það á eigin ágæti og málefnalegri umræði.  Tölum okkur aftur upp á yfirborðið.  Baráttukveðja frá hálf-gerðum samherja............