Lífið 13. febr. 2007.

Dagur sem byrjaði með opnum augna og svo talsvert af kaffi.  Opnaði bók sem heitir "Ég er innra með þér" og las yfir daginn.  Merkilegt verið að fjalla um vald og ábyrgðinni sem fylgir því að nota það. 

Orðlaust en ekki mállaust frelsi til skoðana......

Er orðlaus yfir hegðun fólks í stjórnmálum. Og orðlaus ætla ég að skrifa smá meira.  Alltaf virðist undirliggjandi ótti ríkja í samfélaginu.  Fæstir þora að hafa alvarlega skoðun á málefnum dagsins ef þau eiga eitthvað undir einhverstaðar.  Enn er íslenskt samfélag yfirborðskennt fagurlegt klisjusamtal í kringum það sem ekki má segja....  Viljum ekki sjá raunveruleikann nema þá í gegnum rembukennt þjóðernisauga.  Sem er ekki gott því þeirri aðferð fylgir ákveðið harðlífi hugans...

Mín skoðun á hermálum er; gerumst friðarþjóð án skilyrða!  Ekkert bull það er hægt.  Hættum að flyðrast upp um nágranna okkar í leit eftir skjóli.  Verðum sjálfstæð á forsendum alvöruþjóðar með sjálfstæðar hugmyndir um hvað við viljum.  Hættum að dreifa orku og fjármunum. Einbeitum okkur af alefli að friðar- og hjálparstarfi í stað þessarar gerfihernaðarmennsku.  Enda nóg að gera þar og við ekki í fararbroddi í þeim málefnum.  Segjum nei við öllu hernaðarbrölti fyrir okkar hönd. Ríkið má ekki hvað sem er án samþykki okkar íslendinga.

Ekkert getur réttlætt þáttöku okkar í Íraksstríðinu frekar enn í öðrum stríðum. En höfum við hugrekki til að standa á móti hernaðarumsvifum heimsvaldasinna eða beygjum við okkur í ræsið fyrir hagsmuna- og vinapólítík eins og gert var í þessi tilviki.  Andrúmsloft augnabliksins má ekki ýta okkur inn í myrkur hernaðar- og hryðjuverkaþáttöku eins og var gert.  Og afhverju fer sjálfstæðisfólk í baklás og vörn þegar þetta er rætt.  Þau verða vægt til orða tekið afar ótrúverð og ósannfærandi í málflutningi.  Gerumst friðarboðberar stöndum utan við hernaðarbrölt og förum nýjar leiðir inn í nýjan tíma. 

Hleranir eru í tísku.  Að vera óvinur ríkisins er að verða tíu í topp listi þjóðarinnar.  Furðuleg afstaða ríkisstjórnar okkar,  augljós afneitun er aumkunnarverð.   Hlutlaus úttekt hlutlausra er brýn og lausn ekki í sjónmál án slíks.  Og enn eru sjálfstæðismenn að strögla og tefja lausnina hér sem á of mörgum stöðum.  Virðast enn lifa í andrúmslofti lokaðs samfélags allsráðandi ráðamanna fortíðarinnar? 

Rasísmi, trúarleg kúgun, þjóðernisremba er komin upp á yfirborðið.  Hlaut enda að koma að því hér sem annarsstaðar.  Og það er mitt sem er á öndvegum meiði að standa upp og mótmæla þessari einslitu mannfyrirlitningarskoðun á hver eigi rétt á Ísland.  Að næra fórdóma fólks að ala á ótta er aðferð sem ber aðeins eina leið,  beint til fjandans.  Oftast er þetta leið fólks sem er komið upp að vegg og getur ekki viðurkennt brotlengingu sjónarmiða sinna.  Fólks sem verður að vera á valdaröltinu hvað sem það kostar og á kostnað hvers sem er.  Það er "ég" sem skiptir máli og aðrir gera mig óöruggan er stefna sem ríkir hjá þessum hópi fólks.  Skelfilegt að þessi hópur skuli yfirleitt komast áfram og eiga slíkan óheftan aðgang að fjöldmiðlum sem virðist vera.  Án þess að um beina svörun skuli vera um að ræða.

 Vandi okkar í dag eru umhverfismál, fólksfjölgun í heiminum, fátækt, skortur á lyfjum, misskipting auðs í heiminum og misbeiting vestrænna þjóða á fólki í öðrum fátækari heimshlutum.  Gerum eitthvað, verðum talsmenn þessara málefna notum fjármagn okkar í að hjálpa til í þessum löndum.  Förum með kærleiksboðskap til þessara landa og hjálpum þeim til sjálfshjálpar.

Afhverju eru ráðamenn ekki á umhverfisvænum bílum?  Afhverju eru tollar ekki hærri á eyðslufrekum bílum og mengunarvaldandi innflutningi almennt?  Afhverju má ekki hækka áfengi?  Hvað er það að kosta samfélagið? Afhverju er ekki hugað að húsnæðisvanda fólks?  Hann er falinn en hversu lengi getum við flutt milli íbúða innbyrðis til að redda málunum.  Afhverju er ekki jafnari skipting tekna ríkisins milli okkar?  Afhverju í ósköpunum er verið að byggja þennan óskapnað Hátæknisjúkrahús? Afhverju virðast svo margir ráðherrar ekki ráða við stöður sínar og ábyrgð í dag?  Afhverju þorir engin að stokka upp og fara aðrar leiðir í stjórnun þessa lands? leiðir sem skipta máli fyrir framtíðarsýn okkar en ekki björgunaraðgerðir eins og ál og virkjanir til að breiða yfir aðgerðarleysi stjórnenda.

Já afhverju?  Er kanski ekki bjartsýnn á að mikið breytist þó svo að nýtt fólk komist til valda.  Við erum svo föst í gömlum farvegi reddingaringar að erfitt að sjá breytingar.  Lýðræðið er ekki raunverulegt hér nema á 4 ára fresti.  Þess á milli er ráðherravaldið nær algjört.  Sem er umhugsunarvert vægast sagt.

Já ég verð orðlaus þegar ég horfi út um gluggan og sé ástandið.  Best að segja ekki meira.  En trúin flytur fjöll og vonin er sterkt vopn.  Gerumst boðberar vonarinnar og trúar á rétt allra til mannsæmandi lífs. 

 Megi þessi dagur verða okkur til blessunar.

Kaffi- Austurstræti í Eymundsson allur í pappa !!

Forvitnin rak mig inn á nýja bókakaffihúsið í Austurstræti. Enda vantar gott kaffihús í miðbænum þau eru öll orðin að barkaffihúsum með áherslu á vín, öl og hávaða. Helst að Kornið í Lækjargötu uppfylli lágmarksskilyrði kaffihúss.  

Aðstæður eru frábærar á nýja staðnum fín staðsetning og huggulegt umhverfi. Suðurgarður á eftir að laða að einhverja og gaman að kíkja út á götu. En, einmitt en! Ég á ekki eftir að koma þangað aftur.  Fyrst og síðast er úrvalið lítið sem ekkert og annað verra allt í pappa.  Kaffi í pappírskrús og brauðið með skinku/osti fékk ég í bréfapoka!!! Þegar ég spurði forviða afhverju? Var svarið nýtt "concept" en líklega þýðir það sparnaðarhugmynd á kostnað kaupandans?  

Verðið var það sama og allstaðar og hærra en á Korninu áðurnefnda.  Hvað er gaman að fara á huggulegt bókakaffi og drekka dýrt kaffi úr pappa og borða dýrt brauð úr bréfapoka???? Nei, nú verða viðskiptavinir kaffihúsa bæjarins að fara að gera kröfur.  Þetta er til skammar fyrir Eymundsson og mér sem kaffihúsavini er misboðið með svona tilraunastarfsemi á okurverði miðað við þjónustu.  Breytið þessu sem fyrst annars spái ég að illa fari............................. 

Sá ykkar sem syndlaus er.......................

Mörgum brá þegar Árni Johnson kom í viðtal og lýsti yfir iðrun sinni! Iðrunin var skilyrt hann var nefnilega dæmdur vegna tæknilegra mistaka sagði minn maður en ekki vegna sektar.  Brot hans voru ekki raunveruleg heldur bókhaldslegar rangfærslur.  Þetta var ekki iðrun heldur tæknileg útfærsla brotamans á getuleysi sínu til að biðjast fyrirgefningar. Ekki góð byrjun á þingmennsku, ekki góð byrjun á nýju lífi alls ekki trúverðugt upphafsstef.  Ég undrast enn blindni Árna að fara í framboð í stað þess að láta siðferðisvitund ráða för og láta gott heita.  Og hvaðan kom þessi stuðningur?

Tæknileg misstök sagði líka sendiherra Ísraels um morð á óbreyttum borgurum í Palestínu Ótrúlega ósvífin framkoma þessa fulltrúa nýrrar aðferðar hryðjuverka! Aðferðar hinna tæknilegu mistaka! Ég undrast alltaf undanslátt evrópuríkja við Bandaríkin sem þegja látlaust yfir hrikalegum aðferðum Ísraels við nágranna sína.  Og ekkert er talað um múrinn mikla sem aðskilur fólk frá vinum og vinnu sinni og er ekkert betri en múrinn sem var á milli Austur og Vestur Þýskalands.   Hrópandi níðingsleg framkoma Ísraela í garð Palestínu er eitt af stóru málunum en ekkert rætt af viti neinsstaðar. Auðvitað eru Palestínumenn ekki saklausir í öllu og aðferðir þeirra orka oft tvímælis en ekkert réttlætir þessar aðferðir Bandaríkjanna og Ísraels. 

Áhugai heimsins er ekki nægjanlegur þetta er ekki nógu spennandi? Engin virðist ætla taka ábyrgð á þessum harmleik og flotið er að feigðarósi meðan heimurinn horfir í aðra átt..............................    

Fríblöð?

Eru fleiri að verða fyrir þessu?  Megnið af þessari viku hefur
hvorugt fríblaðanna borist í Stórholtið Rvk.  Blaðið sést ekki og
Fréttablaðið er líka horfið? Ætli auglýsendur viti af þessu eða þeir
sem bera ábyrgð á dreifingu þessara blaða? Ekki er erfitt að reka svona
blöð ef dreifing er eins og hún hefur verið hér.  Er líka mikið í
Mosfellsbæ og þar er gloppótt dreifing einnig..... Takið ykkur á góðir
útgefendur!!!! 

Er fjármagnið og fagfólkið að taka völdin?

Prófkjör eru á fullu og ljóst að vandi kjósenda er að aukast.  Eitt vekur furðu mína, hvaðan koma peningarnir í þennan glansauglýsingaslag? Hver borgar fyrir þetta og hver á hvað inni hjá hverjum? Er ekki magnað að ekkert yfirlit frá frambjóðendum birtist! Ekkert heyrist frá þeim um gullkistu -fundinn. Um þetta finnst mér eins og með fjármál flokkanna, allt á að vera á yfirborðinu! Í raun á ekki að kjósa flokka sem birta ekki yfirlit um greiðslur til þeirra.   Það er ekki nóg að segja við erum heiðarleg því miður það verður að sjást svart á hvítu.  Nú á tíma hraðrennslis fjármagns getur einföld tímasparandi fyrirgreiðsla (í sakleysi sínu) skipt ótrúlegu máli fyrir hagsmunaaðila.  Peningar skapa völd og völd peninga og það er mjög mikilvægt að hver og einn sé hvítur allaveganna ljós yfirlitum þegar inn á Alþingi er stígið.  Ég vil vita um þetta áður en ég ákveð hvert atkvæði mitt fer.  Á einhver einhvern eða á engin engan? Þetta er málið góðir frambjóðendur.

Annað er merkilegt orðið, það hvað hópur þeirra sem vilja á þing er einsleitur.  Einhver hula hvílir yfir flesta sem sést ekki í gegn.  Einhver fjarlægð er komin sem var ekki.  Þetta er fagfólk sem lærði í ungliðahreyfingum og hélt áfram örugga leið upp á við.  Lítil sem engin lífsreynsla, þjáningarlaus sviplítil andlit á skjánum sem mér finnst ekkert áhugavert við.  En auðvitað eru til undantekningar.  Hættan er samt sú að flestir muni bara kjósa eftir flokksaga og línulega rétt ef inn komast.  Og svoleiðis er satt að segja moðgun við sjálfstæði og ábyrgð hvers þingmanns um að samviskan ráði för.  

Ríkisstjórn í þykjustuleik með húsnæðismál landsmanna.

Magnað að fylgjast með hvernig stjórnmálamenn eru á barka hvors annars.  Ekki má hrósa andstæðingum né taka upp þær hugmyndir minnihlutans sem góðar eru. Hvað ætli það kosti okkur sem þjóð að vinnubrögð Alþingis skulu vera með þessum hætti.  Að meirihluti Alþingis þverskallist við því sem gott er bara af því bara er í raun moðgun við kjósendur. Ekkert barn hagar sér svona ekkert fyrirtæki er rekið svona af hverja er þjóðarbúið rekið svona? 

Ef hvarflar að meirhlutanum að henda út gömlum gíldum aðferðum "af því bara" þá er það gert! Vann við húsnæðismál í nærri tvo áratugi og horfði oft skelfingulostinn til næstu kosninga ef stjórnarskipti voru væntanleg.  Engin skynsemi komst að bara breyta næstum því breytinganna vegna.  Þessu fylgdu oft mikill tilkostnaður og alltaf of stuttur aðlögunartími vegna nyrra aðferða.  ekki mátti prufukeyra nýjar aðferðir og allt var í hers höndum í langan tíma.  Hvað ætli þetta kosti okkur á hverjum tíma fyrir sig? 

Félagslega kerfið var lagt niður,  fyrirkomulag sem varð til við setingu laga og bygginu fyrstu íbúðana upp úr 1930 á Akureyri.  Ekkert hefur komið í stað þess en eftir 20 ára starf við þessi mál var mér ljóst að þetta var það besta sem völ var á.  Vissulega mátti sníða vankanta af því en nei út skyldi það um 1998 og út fór það.  Sjálfstæðis- og framsóknarflokkur fóru svo rangt með ástand þessara mála að ljóst er að um fölsun staðreynda var að ræða.  Nú fara fleiri og fleiri íbúðir út á almennan markað af félagslegu íbúðunum og fækkar möguleikum láglaunafólks til öruggs húsnæðis dag frá degi.

Greiðslukjör lána Byggingarsjóðs verkamanna voru þau bestu sem kostur var á.  Hámarksreglur um tekjur og eignir giltu vegna þessara lána en stjórnmálamenn voru sífellt að krúnka í og hækka hámark leyfilegra tekna þannig að of auðvelt var orðið að fá þessa fyrirgreiðslu. Gerðist þetta yfirleitt fyrir kosningar en miðað við hverjir fengu fyrirgreiðslu í gegnum árin voru tekjumörk að minnsta kosti 25% of há. 

Ein ástæða þessara hækkana var auðvitað að húsnæðislán almennt voru í skötulíki og hafa ekki lagast neitt stórkostlega síðustu ár.  Auk þess sem vaxtabótakerfið var pólitískt fyrirgreiðslukerfi sem aldrei var hægt að gera fjárhagsáætlun eftir nema til 4. ára í einu.  Og í þessari óráðsíu sáu fleiri og fleiri í húsnæðisleit að félagslega lánakerfið var besti kosturinn og vildu fá lán hjá sjóðnum. 

Í mörg ár lagði ég til að tekjumörk yrði lækkuð þannig að kerfið þjónaði sem best þeim er það var ætlað en þau hækkuðu. Um leið yrði gerð varanleg lækning á almenna lánakerfinu.  Tilgangi félagslega kerfisins var eyðilagt innanfrá af þeim sem vildu það burt! Einhver einkennileg frjálshyggja ríkti og varð ekki stöðvuð. 

Þegar almenn lán eru verðtryggð og á okurvöxtum með alltof stuttan lánstíma miðað við lifitíma húsa í dag og um leið og leigumarkaðurinn er í lamasessi.  Þá er í þessu félagslega kerfið lagt niður og ekkert kom í stað þess. Ótrúlega óábyrg framkoma þessara stjórnarflokka verður að segjast. Enn hefur ekkert komið ístað þessara félagslegu lána sem hurfu út í sólarlagið.

Segi það enn einu sinni gerum gott og öruggt húsnæði að félagslegum rétti hvers og eins okkar. Breytum þessari vitleysu sem er í gangi á húsnæðislánamarkaðinum. Allir mundu græða á einfaldari lausnum á viðráðanlegum kjörum.  Ef til vill gætum við þá talað um hamingjusama þjóð.  

 

Ein leið er okkur fær í ófærðinni.

Nú þegar flest allt í samfélaginu virðist óendalega fjarstæðukennt og farsakennt er bara ein leið fær.  Leita inn á við eftir kyrrð og ró og gleyma  sér á fjarlægri sólarströnd hugans.  Ég á erfitt með að trúa því að hvalveiðar, hleranir, vaxtabætur eða tryggingabætur séu ráðherrum okkar óskiljanleg.

Ég á erftitt með að trúa því að ráðamenn sjái ekki að leið beinna aðgerða. Að það að  tala opið og af heiðarleika, framkvæma athuganir af óháðum nefndum sé farsælasta en kanski áhættumesta leiðin fyrir þá?  Að það að vera málsvari náttúran en ekki virkjana og stórverksmiðja sé farsæl leið o.s.f. Hvað fær sæmilega greint fólk til að tala við okkur Íslendinga eins og það gerir.  Ég er ekki fífl og mér bregður við að hlusta á bullið.  Réttlætingar og yfirborðskenndar ávítur forsætisráðherra í Valhallarávarpi sínu voru svo barnslega einfeldningslegar að erfitt var að horfa og hlusta.  Það fer ekki saman að vera með svona "þeir eru vondir við mig" viðhorf og eiga að stjórna landinu.  Við fáum endurgreitt í samræmi við það sem við gefum af okkur.  Festuleysi gerir fólk óöruggt og hrætt.  Og ef svo er reynt að breiða yfir í stað þess að upplýsa er fjandinn laus.

Fáir núverandi ráðherrar virðast  skilja orðin ábyrgð eða heilindi.   Þó upplifi ég Heilbrigðisráðherra og að einhverju leyti Umhverfisráðherra sem trúverðugustu fulltrúa ríkistjórnarinnar.  Úpps og það framsóknarflokkurinn en þarna sést bersýnilega hvað flokkar hér á landi eru margir í miðjumoðinu. Og hvað festa og heilindi í framkomu skipta máli.

En þær eru svo aftur bundnar af valdasamkomulagi um hvað má og ekki má sem var gert á sínum tíma. Fer t.d saman Hátæknisjúkrahús og virðing. félagsleg nánd og heilindi í garð sjúklinga.  Fer það  saman álrisi, virkjun og góð umhverfisvernd.  Sjálfur hef ég engar efasemdir, nei þetta fer ekki saman. 

Fjármálaráðherra stóð ekki við loforð varðandi vaxtabætur og aldrei verið erfiðara að eiga húsnæði.

Í öllum málum týnist og gleymist það eina sem skiptir máli manneskjan.! Einstaklingurinn er afgangsstærð þegar kerfið þarf sitt. Aðgerðir svo yfirborðskenndar og oft svo augljóst að skortur á málefnalegri þekkingu og skilning vantar. Alltaf svo augljóst að einstaklingurinn er í raun bara kennitala og hvað leynist á bak við hana vilja menn ekki vita.

Ljóst er að staldra verður við og hugsa upp á nýtt.  Endurskoða tilgang þess að lifa og starfa hér og hvað það er sem þarf að gera til að jafna tilverukostnaðinn.  Það gengur ekki lengur að benda á afkomumeðaltalstölur við erum ekki meðaltal hvorki eins né neins.  Meðaltal er óraunveruleikinn uppmálaður og stórhættulegur í stjórnmálaumræðu.  Allir sem sveiflast undir og yfir gleymast og týnist og birtast svo ráðamönnum seinna og til mikillar undrunar sem félagsleg vandamál.

Svo móðgast þeir, skilja ekki vandann og lausnin er skv. venju,   þetta fólk er ekki til sjáið meðaltalið!!!!!!!!!!!!!!!!! meðaltalsjón og Jónína hafa það að meðaltali gott!!

Leitum inn á við í kyrrð og ró og finnum sannleikann um lífið.

Auga fyrir auga og tönn ..............

Við virðumst aldrei ætla að læra á fyrri misstökum.  Fyrstu viðbrögð Vesturlanda eru alltaf að gjalda líku líkt.  Við sjáum skýr dæmi þess með N-Kóreu og refsiákvæði Öryggisráðsins.  Að loka á N-Kóreu svona á bara eftir að gera allt verra.  Eigum að bjóða þeim alla aðstoð til að koma landinu í sjálfsbjargar form.  Hjálpa til við uppbyggingu N-Kóreu án skilyrða en auðvitað fylgjast með.  Hvað er ekki að gerast í Íran? Og hvernig er ástandið í Írak? Leið Bandaríkjana er svo fasistaleg og löngu úr sér gengin og skapar alltaf ný vandamál. Þau færast bara til. Af því að ekkert er skoðað til botns og fólki ekki sköpuð skilyrði til mannsæmandi lífs á eigin forsendu. 

Hvað gerðist ekki í Víetnam og í mörgum ríkjum Afríku?  Hvað mun ekki gerast í Evrópu ef Nýnastar og þjóðarsinnar fá  að loka fyrir innflytjendum og búa til sér minnihlutahópa í samfélaginu. Við búum til ný orrustusvæði í eigin garði. Í stað þess að hjálpa fólki til sjálfsbjargar og að aðlagast sínu nýja lífi.

Eina leiðin til að lifa í samfélagi þjóða er að virða aðrar þjóðir til þess sama og við viljum sjálf.  Hætta að lifa í eigingjörnum ótta að hætti Bandaríkjanna og veita aðstoð af heilindum og öllu hjarta.  Við fengum ekki einkaleyfi til gæða jarðarinnar fyrir okkur sjálf.  Jörðin er fyrir okkur öll hvort sem við viljum eða ekki. Eigingírni og árásargírni til að vernda hana er leið til einangrunar og sjálfheldu.  Þessvegna er þessi staða á jörðinni í dag.  Eigingírni og sjálfselska leiddi okkur á þennan stað.  Breytum þessum og förum nýja leið hjálpum og sýnum kærleika án skilyrða um að allir eigi að vera eins og við sjálf. 

Trú er í grunninum allstaðar eins,  leit að kærleiksríkri tilveru í sátt við fólk og land.  

Að tala en segja ekki neitt er best þessa miklu hlerunardaga .

Forsætisráðherra segir að nefnd sé að skoða "þessi mál".  En nefndin segjast vera að skoða gögn almennt frá 1945 til 1991 svo hægt sé að hleypa öðrum í þau til skoðunar.  Ekkert sér hlerunarmál einstakra manna sé í athugun á þeirra vegum.  Óþarfi að fá óháða nefnd segir ráðherra ! En auðvitað er það eina vitið óháða nefnd sem skoðar allt fyrir Alþingi.   Afhverju er óttinn svo mikill við taka af skarið ?

Framganga sjálfstæðismanna hefur verið dásamlega augljósleg og einkennandi klaufaleg.  Hik og afneitun ófærir um að taka af skarið í málinu á það aðeins eftir að versna fyrir flokkinn. Upplýsingar Jóns Baldvins og Árna Páls um meintar hleranir um 1995 ber að taka alvarlega. Mál sem þessi versna aðeins ef þau eru ekki upplýst með trúverðuglegum hætti. 

Forsætisráðherra átti frá fyrsta degi að taka af festu á hlerunarmálunum.  Tala af ábyrgð um alvarleikan í trúnaðarbrestinum sem gæti myndast.  Um hugsanlega ábyrgð e.t.v. sjálfstæðisflokksins og um vilja þeirra til að upplýsa allt.  En nei því miður það var ákveðið að ýta þessu á undan sér og skapa meiri ringulreið og stjórnleysi vegna skorts á festu í stjórnun.

Björn Bjarnason hefur mist fæturna í þessu eins og Geir H. Haarde.   Í stað tilfinningu auðmýktar fyrir ábyrgðarstöðu sinni bregðast þeir við með uppljómuðum dæmigerðum hætti óöruggra valdhafa.

Það væri flott að sjá óháða nefnd skipaða af Alþingi sem skilaði skýrslu fyrir þinglok.  Það væri flott að sjá ráðherra tala af ábyrgð en ekki í úr klóm óttans við niðurstöðu.  Hreinsið til í kringum ykkur.

Að upplýsa mál er skylda ykkar kæru valdhafar og það strax í dag.  Breytið um stíl og takið ábyrgð ekki breytast í hrokafulla ráðamenn stígið inn í samfélag okkar aftur af auðmýkt og á móti ykkur verður tekið. 

Flokkar megi ekki breytast í sértrúarsöfnuði með þann tilgang fremstan að halda valdi hvað sem það kostar.  Vald skemmir til lengdar og mikil list að ráða en samt láta lýðinn ráða. Ég vistaði þetta undir "spil og leikir"  því hvar á það betur heima?