Stjórnmálafólk hrætt við alvöru breytingar! Allt snýst um völd!

Hlusta á viðtöl og hætti endanlega að skilja stjórnmál. Stjórnarflokkarnir haga sér verri en leikskólabörn og ásakanir fjúka á milli þeirra. Forsetinn hefur smá skoðanir, góðar hugmyndir og allir verða hræddir um eigin völd.  Kosnir fulltrúar okkar virðast ekki sjá út fyrir sinn eigin 63ja manna þrönga hagsmunahóp.  Engin kemur með skýrar hugmyndir um  lausnir.  Stjórnarandstaðan er ekkert frekar með lausnir eða hugmyndir sem skiljast og eru að skammast eins og óþekktarangar út í stjórnarflokkana. 

Gott fólk getum við haft þetta málefnalegt. Ég vil ekki sjá neina stjórnmálamenn í ríkisstjórn!! Nóg er komið í bili, hvílið ykkur.  Talið öll sem einn og styðjið gott málefni!

Utanþingsstjórn er það eina sem ég get treyst að muni starfa faglega án þess að þung undiralda valdatafls sé undirliggjandi.  Alþingisfólk sýnið hugrekki fyrir þjóðina og ykkur og styðjið slíka stjórn af myndarskap.

Flokkarnir eiga að fara í kosningavinnu koma með lausnir og nýjar hugmyndir af hugsjón og auðmýkt.  Breyta verður margt á listum allra flokka ef þetta á að vera trúverðugt.  Forgangsröðin er ný í dag.  Nýja hugsun þarf þegar semja á nýjar stefnuskrár.  Kominn er nýr tími og nýtt fólk vinnur best að nýjum hugsjónum.  Ný öðruvísi hugsun verður að fæðast, nýr blær blakta, manneskjulegra og þétt að hverjum  einstaklingi.

Grunnstoðirnar atvinna, húsnæði og matarkarfan er forgangsatriði um leið og öll "hin" málin eru skoðuð og afgreidd. En leyfið öðrum að gera þetta núna sinnið Alþingiskosningunum.

Stjórnarsamstarfi lokið

Lokaummæl Harðar ?

Jamm, ekki er gott að gefa svona svar.  Rétt er að veikindin hafa ekkert með sjálfa baráttuna að gera. En samt á samkenndin að vera sterkari en baráttan,  hún brýst í gegn  eitt augnablik.   Samkennd á ögurstundum er finnst mér siðferðisleg gjörð og ég get ekki séð annað en Hörður hafi skotið sjálfan sig í fótinn.

Hænuskref í rétta átt

Allt, stendur ekki til boða!

Þannig er nú staðan að "allt" er ekki til boða.  Það eru aðeins ákveðnar leiðir eftir.  Leiðir sem færa okkur nær þeim breytingum sem krafist er.  Og svo kosningar í apríl gott fólk. 

Fram að þeim tíma, sem sagt núna eiga allir flokkar að leggja fram áætlanir um björgunarleiðangur og innri breytingar á flokkum og stofnunum.  Atvinnuleysi, húsnæðismál, matarkarfan og geðheilsa okkar allra á að vera í fyrirrúmi.  Ásamt sjálfsagðri ábyrgðartilfinningu og siðferðiskennd stjórnenda landsins.  Innlendis sem erlendis ríkir vantrú!

Engin áætlun er sjáanleg sem snýr að stærrihluta þjóðarinnar.  Þeim hluta sem er ekki búin að missa allt er á hliðarlínunni alveg að detta inn í gjaldþrot,  en sér enga hjálp nálægt sér og sinni fjölskyldu

Morgunljóst líka  að skipta verður um fortustulið.  Alveg sama hvað flokkur er um að ræða.  Tengingar við fortíðina hvað þá gærdaginn og allt úrræðaleysið snertir alla flokkanna.

Engin hefur lagt fram neitt um "næraðstoð" við einstaklinga og fjölskyldur. Þetta ásamt ýmsu öðru veldur óróleikanum góðir þingmenn og stjórnendur of margra ríkisstofnana.

 

„Allt kemur til greina"

Lífsnauðsynlegar viðræður!

Gott að lausbeislaðir fundir séu haldnir.   Þeir veita aðhald og eru eðlilegir í ljósi aðstæðna. Hver veit hvað gerist en VG er örugglega tilbúið í ábyrgðarhlutverk.  Þótt ég sakni þess að ekki sé meira bent á lausnir þegar rætt er um nýja ríkisstjórn.  Hvernig lítur aðgerðaráætlun VG út í dag? Varðandi aðstoð við atvinnulausa, húsnæðismál og matarkörfuna?  Einhver dýpri hugsun en komið hefur fram vantar.  Frá öllum flokkunum það er morgunljóst!! 

Ögmundur hitti Össur

Neðanjarðargöng leið þingmanna í frelsið?

Gefið okkur vinnufrið, ekkert á að stöðva fundi Alþingis er sagt úr Húsinu.  En biðið við hvernig hafa fundir Alþingis verið notaðir fram að þessu?  Allt sem stjórnarliðar segja er útfrá eigin þörf, vangetu og ótta við breytingar.  Við verðum að klára þessi mikilvægu mál og bjarga þjóðinni!  Þetta segir fólkið sem klessukeyrðu okkur.  Afneitunin á ástandið er algjört.  Raunveruleikinn er eins og bleikur fíll inní Alþingi.  Engin nema einstaka hugrakkur einstaklingur þorir að tala um hann. Engin stjórnarliði segir það er bleikur fíll hérna og spyr sig,  hvaðan kemur hann svona allt í einu!  

Það er erfitt að vinnukenna mistök og biðja aðra að taka við stjórnartaumunum. Það er erfitt eftir áratuga hefð  fyrir því að kjósendur kyssi vöndinn og þjáist í kyrrþei!  Ég er ofsa ánægður með að Íslendingar loksins standa upp og segja hingað en ekki lengra.  Hef beðið lengi eftir þessu.

Auðvitað gera mótmælendur sín mistök en mótmæli eru í eðli sínu hörð skilaboð.  Þau eru viðbrögð einhvers sem er kominn út í horn og kemst ekki lengra með þeim vopnum sem hann hefur verið að nota. 

Kylfur eru aldrei lausn, ofbeldi til að stöðva ofbeldi elur af sér meira ofbeldi.  Aðferðir lögreglunar er í eðli sínu ofbeldisvaldandi og þar af leiðandi rangar.  Til eru aðrar leiðir en þær taka meiri tíma og þolinmæði lögreglunnar er lítil sem engin.  Enda ekki vön þessu.

Kylfur eru lausn þess sem til að verja sig á ekkert eftir nema kylfur.  Ágæta Alþingi finnið betri lausn en ofbeldi.  Sýnið okkur virðingu, sýnið skoðunum og kröfum okkar virðingu.

Beittu kylfum á mótmælendur

Vald spillir að lokum!

Ég "ber endanlega hina pólítisku ábyrgð" !  Að auka kvótan er mitt mál "valdið er ALVEG ótvírætt í höndum sjávarútvegsráðherra"!  Haft eftir sjávarútvegsráðherra sem tekur ákvarðinnar án tillits til álits sérfræðinga!

Valdið er í höndum ráðherra í orði og á borði en ábyrgðin bara í orðum! þetta er greinilega skoðun allra ráðherra ríkistjórnarinnar nú sem fyrr.  Ráðherravaldið er orðið gjörspillt og gengur blint til verks.  Hvar er Alþingi?  Afhverju er Alþingi að koma saman 20. jan. þegar ástandið er á hengibrúninni?  Auðvitað er Alþingi valdalaus stofnun því eftir kosningar ráða ráðherrar viðkomandi meirihluta.

Það er þetta sem verður að breytast.  Þróun þessi hefur verið stórhættuleg og leitt okkur til glötunar ! En það breytist aðeins með nýju fólki í forustu.  Alveg sama hvað þeir hafa verið "skynsamir" það verður að skipta um stjórnendur í lýðveldinu Ísland.  

Valdið er hjá ráðherranum

Endurnýjun í forustu allra flokka?

Þótt ekki sé víst að algjör stefnubreyting verði hjá framsókn er þó forustan sjálf ótengd gömlu spillingarmálunum.  Þó er ljóst að með nýju fólki koma nýjar áherslur.  Vonandi sem lengst frá því lokaða stjórnkerfi sem hefur ríkt fram að þessu. 

En hvað gera hinir flokkarnir?  Breyta þeir í forustu sinni? Ljóst er að í öllum flokkunum væri hollt að gera breytingar.  Koma með nýtt fólk sem tengist nútímanum meira og vinnubrögðum okkar tíma.  Brýnt er að hið lokaða stjórnkerfi dagsins víki fyrir opnari nútímanlegri samfélagsgerð.  Stjórnmálum í nútímanum þar sem einstaklingurinn er í fyrsta sæti ekki flokkarnir.

Sjálfstæðisflokkurinn er með sinn Bjarna Ben. sem næsta mann inn í forustuna! Með honum væri farsæltl að fá aðra en fullorðna Heimdellinga.  Unga íhaldið er um margt ansi gamalt og þröngsýnt.  En ein og ein perla er þar örugglega.

Vinstri Grænir væru í góðum málum með Guðfríði Lilju Grétarsdóttur sem næsta formann. Einnig hún ætti að fá til liðs við sig flokksmenn sem eru lausir við fortíð stjórnmálanna.  Eldri liðsmenn gætu verið góðir ráðgjafar og liðsmenn fyrir flokkinn.  En brýnt er að fá inn ferska vinda sem blása með þeim sem fyrir eru,  Vinstri Græna inn á ferskari brautir.

Samfylkingin þarf á nýju fólki í forustu að halda eins og aðrir flokkar.  En hver ætti það að vera?  Ekki alveg ljóst en þó er Dagur B. Eggertsson líklegur til forustu.  En hér eins og annarstaðar leynast örugglega góðir flokksmenn sem eiga eftir að koma í ljós. 

En tíminn er naumur og þetta verður að gerast á fyrri hluta þessa árs.

Vangaveltur sem eru skemmtilegar og nauðsynlegar.

Vill færa flokkinn frá hægri

Allt eða ekkert! Detox eða framtíðarmarkmið?

Í húsnæðismálum hefur lítið gerst sl. 10 ár. Nema tekin hafa verið hæg en jöfn skref afturábak.  Með nýjum lögum 1998 hefði verið hægt að stíga stór skref.   En ótti við „kerfið“ og hagsmunaaðila íhaldsamrar eignarstefnu hélt  aftur af alvöru  breytingunum.  Og eftir það hafa allar breytingar verið í átt til enn vonlausari stöðu íbúðarnotenda og allt án  sérstaks heildar markmiðs.  Markmiðs er varðar öruggt húsnæði á viðráðanlegum kjörum og án þess að lífa í stöðugum ótta við sífelldar íþyngjandi lagabreytingar.

„Eigandi“ húsnæðis hefur aldrei getað verið öruggur um hver  kostnaður næsta ára yrði.  Húsnæðiskerfið er þannig  byggt upp að sífelldur flutningur með tilheyrandi kostnaði er nauðsynlegur.  Enda flytja fáir meir en Íslendingar , fáir hafa fleiri fermetra til afnotkunar, búa í ver notuðum fermetrum eða dýrari íbúðum en við.  Svo birtust bankarnir eftir hagsmunastríð og lánuðu mestmegnis veðtryggð  neyslulán og þegar erfiðleikar birtust hættu þeir bara lánveitingum.   Yfir þessu öllu tróna í drottnunarstíl  ýmis gjöld eins og endurtekin sölukostnaður og  stimpilgjöld,  fasteignagjöld, gatnagerðargjöld, lóðargjöld, sorphirðugjöld, eignarskattur  og svo viðhaldskostnaður og fleira.  Og flest allt tengt við einhverja viðmiðunarstofna sem eru pólítiskt ákveðnir  og á valdi stjórnmálamanna að ákveða.  Sífellt er verið að tekju- og eignatengja, breyta vaxtabótum og verðbólga aldrei  á neinn hátt viðráðanleg. Enda greiðslumat verið mestmegnis mat  þeirrrar viku sem það er unnið.

 Lánin eiga ekki að stjórna búsetukostnað heldur geta fjölskyldunnar til að borga.  Ef það er ekki hægt verður að breyta lánskjörum og öllu öðru sem snýr að þessum lána-málaflokki.  En þetta er öryggið í húsnæðismálum sem okkur er boðið upp á í dag!

Búseturéttar, hlutareignar, leiguíbúðir eða annarskonar öruggt húsnæði hefur aldrei fengið að þróast á Íslandi.  Geðveik eignarstefna verið allsráðandi.  Enda völd stjórnmálamanna og embættismanna blómstrað og snúið s.k. eigendum í óttaslegna hringi óvissunar um hvað verður næst!?

Taka verður upp ger breytta stefnu í húsnæðismálum þar sem án þess að sé hikað,  öryggi og réttur notenda íbúðanna er í fyrsta sæti.  En ljóst er að það verður ekki gert í neinu af núverandi kerfum sem við notum.   Búa á til húsnæðiskerfi fyrir notendur íbúðana  t.d. eins og á hinum norðurlöndunum.  Eignarfyrirkomulagið verður bara einn agnar þáttur af möguleikunum.  Og það á að vera val hvers og eins hvernig fyrirkomulag hann vill búa við!

Koma verður á lágmarksgreiðslubyrði fyrir viðkomandi fjölskyldustærð.  Fyrir fjölskyldu í íbúð af eðlilegri stærð á eðlilegu grunnverði og með eðlilegu viðhaldi og afskriftum.  Á norðurlöndunum hefur verið til félagsleg húsnæðisstefna í allmarga áratugi.  Okkur hefur aldrei dottið til hugar að taka svipað upp.  Nei erum stolt af kúguðu naglhreinsandi fólki í s.k. eignaríbúðum og  greiðsluvanda.  Afhverju verður að eiga íbúð til þess að eiga húsaskjól og það á kjörum sem bjóðast á Íslandi í dag.?

Merkilegt eða eðlilegt,  ekkert er rætt um félagslegar aðstæður fólks í dag.  Húsnæðis- og matarkostnað, andlega líðan og getuna til að komast af í miklu atvinnuleysi og almennu öryggisleysi.  Nei, fjármálastofnarir og fyrirtæki eru í fyrirrúmi enda liggja tengingar fjórflokkana beint þangað inn.

Breytum þessu tökum upp ný vinnubrögð.  Fáum nýtt fólk til þess því það gamla er rúið trausti.

Fullkomið aðgerðarleysi stjórnvalda!!

Staða þessi hefur verið á leiðinni.  Byggt hefur verið langt umfram þörf og byggðar óhentugar íbúðir með lélaga fermetranýtingu. Okurleiga hefur verið hér sl. 2 ár. En í lok þessa tímabils fóru svo ákvílandi lánin að hækka.  Fram að þeim tíma höfðu margir leigusalar stórgrætt.  En staða mála er önnur í dag. Lánin hækka, minni gróði og laun leigutakans eru að lækka! Allt á góðri siglingu sitt í hvora áttina.

Nú verður ríkið að koma inn og gera eitthvað.  Ég hef sl. 20 ár nánast skrifað sömu greinina um þessi mál og enn á hún við.

Leigan er að jafnaði staðreynd miðað við kostnað leigusala í dag. Tekjur leigutakans eru minni en áður og matarkostnaður á uppleið.   Kostnaðarjöfnun er brýn svo hægt verði að nota húsnæðið.  það verður hvort sem er að greiða niður áhvílandi lán eða afskrifa í gjaldþroti þannig að hugsanlega er gott að gera eitthvað annað. 

Til fræðsu um húsnæðisaðgerið: skovdebostader.se

Ekki má gleyma öllum kostnaði sem lendir á heilbrigðiskerfinu ef forvarnir eins og þessar eru ekki framkvæmdar.

Húsaleigubætur í dag er léleg uppfinning.  Alltof lágar og tekjumörk of stíf. Miða á leigukostnað hverrar fjölskyldu við að ekki meir en 25% af tekjum fari í leigukostnað. Breyta verður allri tekjuviðmiðun og miða frekar við að leigð sé íbúð af eðlilegri stærð miðað við þarfir fjölskyldunnar. Ef áhvílandi lán leigusalans eru alveg út úr kortinu verður að skoða það sérstaklega hjá lánveitanda.  Mismunur á raunleigu og greiddrar leiga af leigenda kemur úr húsnæðissjóði sem verður notaður um óráðna framtíð.

Í dag tapa flestir á þessari óvissu og óskiljanlegum skorti ákvörðunum. Ég er sannfærður um að svona leið er fær ef vilji er til að skoða hlutina frá upphafi til enda. 

Eignaríbúðir eru svo annar kafli í þessari hugmynd.  Ríkið verður að gerast eigandi á móti fólkinu og skapa þannig öryggi á húsnæðismarkaðinum á öllum sviðum. Tímabundnar aðgerðir eða langtíma það verður svo að koma í ljós í bjartari framtíð.

Þúsund íbúðir til leigu

Framtíðar- og heilbrigðissýn skortir!

Þessi áminning sálfræðingsins er löngu tímabær.  Við erum algjörlega að leggja til hliðar alla forvarnarstarfsemi og aðstoð við fjölskyldur í félagslegri og sálrænni neyð. 

"Stattu þig drengur" er sagt,  við förum gömlu góðu leiðina og þegjum okkur frá þessu.  Til Vímulausrar æsku - Foreldrahúss leita foreldrar með unglinga í vanda.  Og þar af leiðandi á öll fjölskyldan í vanda og það verður allt sýnilegra með auknu atvinnuleysi og greiðsluerfiðleikum. En þessa hlið á ekki að ræða,  blöðin eru uppfull af fjármálafréttum af fyrirtækjum og ríkistjórninni.  Ekkert sést um áðurnefnd fjölskyldumál sem er undirliggjandi vandi hjá flestum fjölskyldum í greiðsluerfiðleikum. 

Tökum höndum saman og komum þessum málum úr felum og upp á yfirborðið.  Sparnaður í heilbrigðiskerfinu til að sýna skammtímasparnað er dýrt fyrir framtíðina!! Legst margfalt á okkur seinna með dýrara heilbrigðiskerfi.  

Segir sparnaðinn dýrkeyptan