Okur á okur ofan!

Ég hélt að svona gæti ekki gerst! Hér virðast lánveitingar hafa flætt yfir land allsnækta ábyrgðar- og eftirlitslaust.  Húsnæðisöryggi er grundvallaratriði fyrir alla og ljóst að almennt bankakerfi og siðferði græðgarinnar nær ekki að vera traustur lánveitandi, þar frekar en hér.  

Hér á Íslandi hefur stefnan verið að reyna þessa almennu bankaleið.  Ef skoðuð er lánauuppjákoma bankana sl. ár þá er hún algjörlegla ábyrgðarlaus.  Hafði í raun minnst með húsnæði að gera en meir með að bara lána gegn góðu veði.  Margir voru þó að skuldbreyta en tóku svo auka neyslulán.  Þessi veðtrygggðu neyslulán voru stór þáttur í einstaklingstengdri skuldasöfnun okkar á þessum tíma. 

Svo þegar veður breytist og erfiðleikar steðja að hver er þá ábyrgð bankana?  Þeir þvo hendur sínar og loka sjoppunni.  Hætta barasta,   láta eins og engin ábyrgð gagnvart fólki peningaleg eða siðferðisleg fylgi lánveitingunum.   Þeir voru þó lánsamari sem voru hjá Íbúðalánasjóði sem er með margskonar aðgerðir fyrir fólk í greiðsluvanda.  Þar er reynt ef hægt er,  að greiða úr vandanum báðum aðilum til hagsbóta.

Lífeyrissjóðirnir sem eru eign fólksins verða að koma opnara inn með sértæka aðstoð til rétthafa sinna í greiðsluvanda.  Sjóðirnir geta oft létt greiðslubyrði einstaklingana með uppstokkun á lánum þeirra.  En greiðslumat allra verður að vera persónutengt meir en er því engin okkur er alveg í sömu sporunum.  

Efla á félags- og siðferðislega ábyrgð ríkisins á einni góðri öruggri íbúð handa öllum.  Leigu- hlutareignar- eignaríbúð þetta á að vera eitt af grunnatriðum í sameiginlegri velferð okkar.  

Við eigum ekki að þurfa að eyða stórum hluta ævinnar í að vinna fyrir íbúðinni okkar!! Og greiða okurvexti, okur innheimtukostnað, okur stimpilgjöld og yfirleitt okurkostnað vegna tilbúins vanda kosinna fulltrúa okkar.

Það sorglega í þessu er að þetta er frekar auðveld aðgerð fyrir ríkisvaldið og sparar öllum orku og fjármuni þegar til framtíðar er litið.

Bandaríska ríkið yfirtekur fasteignalánasjóði