Breytum forgangsröðun okkar! Kominn er tími til alvöru forvarnaraðgerða!?

Í fimm vikur hefur verið virkni í eldfjallinu.  Aska að falla í rigningu á Selfossi og þykkur mökkur í Fljótshlíðinni og þar í kring. Þar er útlitið svart í bókstaflegri merkingu eins og á fleiri stöðum fyrir austan í því sem kallað er núna gríðalegu öskufalli.  Fréttaflutningur virðist aftur vera að falla í hræðslukenndum svæðisbundnum lýsingum á ástandinu.  En hvað um aðgerðir á svæðinu í heild sinni?? Eru einhverjir að sinni forvarnarstarfi á svæðinu??

Hvar eru kröfur td. fréttamiðla um aðgerðir vegna þessa ástands???

Furðu lítill fréttaflutningur er af heildar afleiðingum á fólk og land vegna þessa alvarlega máls.  Áhugi fréttamanna er mest í fjármálahneyksli og persónulegum lýsingum á líðan innanbúðar bankaræningja.  Það er  brýnt að velta steinum við í  bankamálum.  En fyrr má nú vera allskonar furðulegar óþarfa upplýsingar eru í gangi um mataræði, ómerkilegt spjall um eða við talda svikara.  Endalausar endurteknar upplýsingar um sama atriðið hjá sama fólkinu.  Hlífið mér við þessu!  Farið frekar í að skoða eigin fréttaflutning þessa tímabils. Hvaða ábyrgð tóku fjölmiðlar hvaða aðhald veittu fjölmiðlar stjórnmálafólki og viðskipta- og bankafólki?  

Hvar er opinber aðstoð stödd til þeirra er búa fyrir austan?  Alvöru aðstoð fjárhagsleg, félagsleg, andleg og aðstoð á jörðunum sjálfum.  Mér er til efs að svona sinnuleysi væri erlendis við svipaðar aðstæður.

Við erum enn í því að viðurkenna að vandinn sé svona eiginlega nokkurn veginn til staðar.  Förum svo að gera lítið úr,  breyta eða afneita staðreyndum og líðan okkar.  Eins og áður erum við svo stolt og hrædd við viðbrögð fólks og álit að við getum ekki boðið fram eðlilega aðstoð.  Hvorki vegna augnabliksástandsins eða eðlilegra forvarnaraðgerða.  Einhvern veginn heyrist lítið af umræðu um þessi mál á Aþingi hjá ríkisstjórn eða ráðherrum. 

Finnst eins og það hljóti að vera eitthvað að hér.  Þessi dæmigerða íslenska þögnr og hetjulund fólksins á staðnum er einkennilega og með flóttalegum hætti samþykkt af okkur hinum.  Hvernig væri að hafa bara skýrar manneskjutengdari aðgerðar- og vinnureglur og einfalda aðstoð í gangi án þess að gera lítið úr dugnaði heimamanna og kvenna.   Aðstoð sem færi bara í gang og er látin ná vel inn fyrir girðingar fyrir austan. 

Viðskipta- og bankamálin eru mikilvæg en eru í sínum farvegi.  Hvílum okkur aðeins og förum í samfélagslega aðstoð við fólk sem orðið hefur fyrir barðinu á þessari ösku úr iðrum jarðar. 

Einnig má minna á þögnina í kringum 16- 17 þúsund atvinnulausa og fjölskyldur þeirra.  Enn ein hetjuásyndin sem birtist og ofurþögn ráðamanna og fréttafólks.  Hvar er verið af alvöru að sinna félagslegum og andlegum málum atvinnulausra og þeirra nánustu?  Forvarnir eru ekki fyrir okkur eða hvað??

Askan er alvöru óvinur.  Við skulum hætta yfirborðskenndum hetjuskap.   Stíga inn í óttan við að taka tilfinningalega þátt sem heild og einstaklingar.   Vinna öll saman við að aðstoða fórnarlömb þessa vágests í einlægni af samúð og alvöru.  Allt of fáir eru hér að vinna þetta verk.  Og opinber þögn ríkir um þetta svæði.  Sem á að vera opinbert hneyksli.  En fjölmiðlar þegja að mestu leyti líka!

Í engum ofannefndra mála höfum við haft dug til að brygja brunninn fyrr en barnið var komið ofan í hann.  Þá er loki skellt á og farið að pússa yfirborðið.  Forvarnarstarf er eitt óvinsælusta orð sem stjórnmálafólk getur hugsað sér.  Árangur ekki öruggur á kjörtímabilinu.

Fjármálaástandið er lýsandi fyrir skorti á forvörnum.  Staðreyndir um aðstoðarleysið vegna atvinnuleysins á sviðum eins og vinnu-félags- og andlegum er einnig augljóst dæmi um að forvarnir eru ekki fyrir okkur.   

Forvarnir vegna væntanlegra félags- og andlegra vandamála eru hverfandi fyrir austan.  Atvinnuleysi er einnig á svæðinu ásamt núna þessari viðbót frá Eyjafjallajökli.  Ætlum við að bíða eftir að barnið detta ofan í brunninn og skella loki á hann.  Eða fara í allsherjar forvarnarvinnu á svæðinu??

 

Askan fellur yfir Hvolsvöll

Athugasemdir

[Óskar Helgi Helgason (IP-tala skráð) 14.5.2010 kl. 15:50]

Heill og sæll; Percy !

Þakka þér fyrir; þarfa hugvekjuna.

Ég er sjálfur; í framættir, úr Rangárvalla- og Vestur- Skaftafellssýslum, og þekki til, að nokkru, austur þar.

Hvar; ég átti leið, um Mýrar og Staðarsveit, fyrir skömmu, hvarflaði að mér, hvort austan bændur kynnu ekki að vilja nytja jarðir, þar vestra, hvort heldur væru nýfarnar úr ábúð - eða þá; lengra frá liðið, um hríð.

Vissulega; er loftslags munur nokkur, á milli Vesturlands og Suðurlands, en engu að síður, þarf að skoða,, mjög snarlega, alla kosti, áður en í frekara óefni stefnir, hér eystra.

Með beztu kveðjum; úr Árnesþingi /

Óskar Helgi Helgason

   

[Árni Gunnarsson, 15.5.2010 kl. 08:37]

Hafðu þakkir mínar fyrir þessa hugvekju Percy. Ég eyddi miklum tíma gærkvöldsins í samtal í síma við góðan kunningja minn um einmitt þetta mál. Það gengur auðvitað ólíkindum lengra að þjóðinni skuli vera vikum saman boðið upp á fréttir af þeim mannlega harmleik sem þarna er í gangi en ekkert gert til að takast á við verkefnið sjálft.

Það virðist beinlínis vera svo að íslenska ríkið telji sig hafa þá einu skyldu við fólkið, bændurna á þessu svæði að koma til skila fréttum af ógæfu þess og birta þjóðinni sem nákvæmastar myndir af því í sjónvarpi.

Íslenska ríkið á stórbýlið Gunnarsholt á Rangárvöllum þar sem lengi voru gerðar ræktunartilraunir á víðáttumiklum ökrum. Þessi jörð er í skotfæri frá hamfarasvæðinu og þar eru mörg hundruð hektarar sem auðveldlega væri hægt að koma á beit og undir ómengað andrúmsloft. 

Þar að auki er á þessu svæði fjöldi tómstundajarða sem auðmenn hafa nýtt til að sýna hverjir öðrum og þjóðinni stórbrotinn árangur sinn í viðskiptum og metnaðarfullan lífsstíl.

Þetta er skelfilegt ástand og af gamalli reynslu veit ég að áhyggjur fólksins á þessu svæði eru ólýsanlegar og orkan fer í það eitt að takast á við þau einu verkefni sem hver dagur ber í skauti sér og hafa ekki ráðrúm til að setjast yfir áætlanir um framtíðina.

Ráðaleysi og meðvitundarleysi stjórnvalda virðist vera altækt í þessu máli sem flestum öðrum.

[Árni Gunnarsson, 15.5.2010 kl. 08:38]

....að koma fénaði á beit og...