Hvað er í gangi Björn?

Dólgsleg árás, segir Björn Bjarnason þegar nafni minn Percy Westerlund segir þegar vitaða skoðun ESB um evru hugmynd sjálfstæðismanna.  Óvinveitt aðgerð sem væntanlega segir hinn óþægilega sannleika um þessar hugmyndir?   Þetta ofsóknaræði sem gripið hefur fyrrverandi dómsmálaráðherra rétt fyrir kosningar er í besta falli undarlegt. Ekki er flokkurinn að græða á skrifum sem þessum.  Það vantar alla auðmýkt og skilning á hvar við sem þjóð erum stödd í dag!

Nefnd um þróun Evrópumála skilaði af sér fimm sérálit! Ekki til mikillar fyrirmyndar og síður til að gera þessi mál skiljanlegri.  Frá sjálfstæðisflokknum kom eftirfarandi:  "Sjálfstæðisflokkurinn telur að leita eigi eftir samstarfi við Alþjóðagjaldeyrissjóðinn um að stefnt verði að því að íslensk stjórnvöld og IMF vinni að því í sameiningu að í lok áætlunarinnar geti Íslendingar tekið upp evru sem gjaldmiðil."  Ekki man ég betur enn andstaða sé mikil hjá ESB við þessar hugmyndir. Gjörningur sem þessi hlýtur að vera hugmynd til að komast hjá raunverulegum viðræðum?  En skilningsríkt, opið  yfirborð með ekkert að á bakvið nema óframkvæmanlegar hugmyndir er auðvitað leið í gegnum kosningabaráttu.

Allstaðar vantar tengingu við raunveruleika dagsins, tengingu við kjósendur.  Flokkshagsmunir og hagsmunir vina getur ekki haldið áfram eins og ekkert hafi gerst!  Er ekki komið nóg af vinavæðingunni því hvert hefur hún skilað okkur? Sukkið er búið og taka þarf til hjá okkur.

Ég er hundleiður á algjörum skorti á nýmælum, skorti á nýrri hugmyndafræði,  skorti á nýjum leiðum til að gera okkur að þokkalegri og skuldminni þjóð.  Það er ekkert að gerast hjá ykkur Björn! 

Komið með nýjar ferskar,  raunveruleika tengdar og framkvæmanlegar hugmyndir og ég er "geim"!

 

 

 

Dólgsleg árás, segir Björn