Hvað er ekki að gera sig þessa stundina? Ekkert virðist vera? Grundvallarstefnuleysi allsráðandi!

Afhverju var hann yfir höfuð í stjórn Iceland!! Við erum bara ekki alveg að fatta alvöruna í þessum málum.  Þetta er ekki leikur.  

Kosningar nálgast skilst mér?  Frekar augljóst að okkur vantar allar tengingar við flest.  Gáfulega mælt?  En samt sem áður líður mér þannig gáfur eða ekki gáfur.   

Áhugaleysið er algjört.  Getuleysi stjórnmálaflokkana algjört.  Getuleysi til að endurnýja sig og  skortur á hugmyndum og persónulegum ferskleika.   Allt er í sama daufa litnum. Og flest á síðasta söludegi ef ekki útrunnið.  

Margir leita eftir svari við ringulreiðinni og óróanum í heiminum.  Ástandið á samt eftir að versna enn um sinn einn dag í einu.  Staðreyndin er að þetta verður að ná einhverjum sársaukapúnkti áður en okkur ber gæfu til að byrja enduruppbygginguna.  Margt þarf að koma í ljós áður en græðgi, öfund, eigingírni og lygiblandin "heiðarleiki" hreinsast burt og heilun fer fram.

Fróðlegt væri ef einhver færi að gera lista yfir allt það góða og heilbrigða sem er til staðar í samfélaginu.  Hvað það er sem gerir okkur að þessari skemmtilega einkennilega hugsandi þjóð.   Hvað er í raun til skiptana og hvernig skiptum við af réttlæti og kærleika auð okkar á milli í jöfnuði?  Hvar skortir að endurnýja til að við endurtökum okkur ekki með jöfnu millibili? 

Lífsleikni okkar virðist mjög takmörkuð og ótrúlegt en satt orðið hræðir flesta.   Af ótta við það ófyrirséða vilja flestir tengja lífshamingjuna af þægilegheitum (leti) við næstu fjárhagsáætlun!  Peningahyggja er enn allsráðandi.  Enn er reynt að plástra yfir gömlu sárin og endalaust svo skipt um því sárið opnast aftur og aftur.  Það hefur nefnilega gleymst gröftur í sárinu.   Þessi gamli gröftur er meinsemd samfélags okkar.  Algjör endurnýjun er þörf til að ná eftirstandandi gröft úr meinsemdinni.  Þá hefst heilunin.  

Nýr grunnur heilbrigðis, fjármála, félagslega og að einhverju leyti menningarlega er nauðsynlegur.  Ekki lítið en alveg meir enn mögulegur.  Vinnum annarsvegar í málunum í deginum í dag og vanda hans og hinsvegar í nýjum grunni sem stöðvar innbyggðu endurtekninga áráttuna.  Fjarlægum gröftin úr sárunum og græðum líf okkur með nýju opnu réttlætis- og kærleiksleitandi hugarfari.  Flest af þessu mundi eiginlega flokkast sem eðlileg forvarnarstarfsemi!  Forvarnarstarf sem skort hefur vegna getuleysis okkar til að vinna í tíma sem er lengri en fjögur ár í einu.  Eigingjarnar pólitískar atkvæðistengdar ákvarðanir hafa sífellt verið teknar vegna "tímaskorts" og gömul sár hafa aldrei fengið í friði að gróa um heilt.

Kjarkleysi ríkir við að stíga inn í óttan og nálgast nýjan heim.   Er þegar upp er staðið skortur á raunverulegum samhug hjá okkur.   Er eiginhagsmunahugsunin að endalaust halda sárum opnum.  Sárum sem eru endalaust að rugla allri framtíðar áætlunargerð nú um stundir.  Hugmyndafræði sl. ára er dauð og við erum vonandi að moka yfir restir hennar nú um stundir.

Hvar er alvöru íslenskur umhverfisflokkur?  Hvar er sjálfbæra- framtíðarhugsunin í fararbroddi?  Hvar er félagslega af alvöru jafnaðarhugsunin stödd?  Hvar er samhugurinn sem nær út fyrir ríkjandi eiginhagsmunameinsemd.  Hvar er þessi allsherjar endurnýjaða lifsleiknistefna sem okkur svo tilfinningalega skortir. 

Ef við viljum framtíð verðum við að endurskoða hvert við viljum stefna með líf okkar og land.  Tekjur og gjöld eru hvarvetna í í kringum okkur í hrópandi ósamræmi.   Öll þurfum við að anda út og anda inn til að lifa.  Heimurinn þarf einnig að í réttlætiskennd fá að anda eins og við.  Jörðin þarf að fá heilbrigt loft til að anda út og inn svo einnig við getum það.  Samt erum við hikandi við að endurskoða lífsstefnu okkar!   Hvað er í gangi?  Það er að kosta okkur flest allt að reka svona lengi á reiðanum í gegnum lífið. 

Skortur á nýrri grunnstefnu sem þjóð er að kosta  okkur nauðsynlegan lífsvilja og orku til að halda áfram för okkar inn í framtíðina. En við eigum alla möguleika ef við grípum tækifærið sem býr í ástandi dagsins í dag.

Segir að Jón Ásgeir muni hætta í stjórn Iceland